BMT-nin hesabatı: Sudanda aclıq 21 milyon insanı təhdid edir
Dünən, 21:44
4
BMT-nin məlumatına görə, Sudanda 21 milyona yaxın insan aclıqla üzləşib.
Rock.News xəbər verir ki, 20 milyondan çox sudanlının tibbi yardıma, təxminən 21 milyonunun isə təcili olaraq qidaya ehtiyacı var. "Africanews"-un BMT daxilindəki humanitar təşkilatlara istinadən yaydığı məlumata görə, Sudanda mininci gününə qədəm qoyan vətəndaş müharibəsi dünyada ən böyük aclığa və məcburi köçə səbəb olub. BMT-nin statistikasına görə, təxminən 13.6 milyon sudanlı evlərini tərk etmək məcburiyyətində qalıb. Onlardan 4.3 milyondan çoxu sərhədləri keçərək qonşu ölkələrə sığınıblar. Hazırda bir neçə ərazidə döyüşlər davam edir və ölkədəki humanitar vəziyyət getdikcə daha da pisləşir.
