DİN gücləndirilmiş rejimdə işləyir: Bayram təhlükəsizliyini təmin edir

Daxili İşlər Nazirliyi 31 Dekabr – Dünya Azərbaycanlılarının Həmrəyliyi Günü və Yeni il bayramları ilə əlaqədar ölkədə, o cümlədən işğaldan azad olunmuş ərazilərdə ictimai asayişin təmini məqsədilə təhlükəsizlik tədbirlərini həyata keçirir.

Rock.News xəbər verir ki, DİN-in məlumatına görə, polis əməkdaşları insanların sıx toplaşdığı məkanlarda və avtomobil yollarında təhlükəsizliyin təmin olunması üçün xidmətlərini gücləndirilmiş rejimdə davam etdirirlər. Nazirlik vətəndaşları qaydalara riayət etməyə və ictimai asayişin qorunmasına dəstək göstərməyə çağırır.