ARDNF Qızıl İnvestisiyaları ilə 11 Milyard Dollar Gəlir Əldə Edib

Azərbaycan Dövlət Neft Fondu (ARDNF) 2012-ci ildən qızıla yatırımlar nəticəsində 11 milyard dollar həcmində büdcədənkənar gəlir formalaşdırıb.

Rock.News xəbər verir ki, bu barədə Fondun icraçı direktoru İsrafil Məmmədov bildirib. O, qızıl ehtiyatlarının artırılmasının qlobal miqyasda müşahidə olunan tendensiya olduğunu və bunun xarici şokların intensivləşməsi, maliyyə bazarlarında volatilliyin artması, geosiyasi risklər və valyuta bazarlarında qeyri-sabitliklə əlaqəli olduğunu qeyd edib. 2025-ci ilin üçüncü rübünün sonuna qızıl aktivlərinin həcmi 185 ton olmaqla 23 milyard ABŞ dolları təşkil edib.