Ancelina Coli Qəzzaya Humanitar Yardım Səylərini Gücləndirir, Misirdə Görüşlər Keçirir

Ancelina Coli humanitar missiya çərçivəsində Misir və Qəzza zolağı arasındakı Rəfah keçid məntəqəsini ziyarət edərək Qəzza üçün humanitar yardım səylərini gücləndirib.

Rock.News xəbər verir ki, aktrisa səfəri zamanı Şimali Sinay əyalətinin qubernatoru Xalid Muqavir ilə görüşüb və Misir Qırmızı Aypara Cəmiyyətinin Qəzza sakinləri üçün nəzərdə tutulan humanitar yardım ehtiyatlarının saxlandığı anbarlarına baxış keçirib. Coli, həmçinin, Qəzzadan təxliyə edilərək Misirin Əl-Ariş şəhərində müalicə alan yaralı fələstinliləri ziyarət edib. Səfər zamanı aktrisa beynəlxalq ictimaiyyəti Qəzza zolağına humanitar yardımın həcmini artırmağa çağırıb və Misirin fələstinlilərə göstərdiyi dəstəyə görə təşəkkürünü bildirib.