İsrail Ordusu Suriyada Hərbi Əməliyyat Keçirdi: Gərginlik Artır

İsrail ordusu Suriyanın Dəraa vilayətinin qərb hissəsinə daxil olaraq hərbi əməliyyat keçirib.

Rock.News xəbər verir ki, Suriyanın SANA dövlət agentliyinin məlumatına görə, dörd hərbi maşın və təxminən 20 hərbçidən ibarət kolonn Yarmuk çayı hövzəsində yerləşən tərk edilmiş “Sariyat Cəmlə” obyektinə doğru irəliləyərək yaxınlıqda mövqe tutub, daha sonra ərazini tərk edib. Bundan əvvəl İsrail qüvvələri Quneytra vilayətinin kənd ərazilərində də reyd həyata keçirmişdi. Rəsmi Dəməşq bu addımların 1974-cü il tarixli “Qüvvələrin ayrılması haqqında” sazişi pozduğunu bildirərək, İsrail qoşunlarının Suriya ərazisindən çıxarılmasını tələb edib.