Bakıda nəqliyyat axını yaxşılaşdırılır: Yeni tədbirlər və alternativ marşrutlar

Bakının Xətai rayonunda və Biləcəri qəsəbəsində nəqliyyatın təşkili sahəsində kompleks tədbirlər həyata keçirilib.

Rock.News xəbər verir ki, Azərbaycan Yerüstü Nəqliyyat Agentliyi (AYNA) tərəfindən həyata keçirilən tədbirlər nəqliyyat axınını optimallaşdırmaq və hərəkətin təhlükəsizliyini artırmaq məqsədi daşıyır. Xətai rayonunda Süleyman Vəzirov küçəsində sürət həddi müəyyən edilib, hərəkət sxemi optimallaşdırılıb. Biləcəri qəsəbəsində isə Rəşid İsmayılov və Yəhya Hüseynov küçələrinin kəsişməsində yol hərəkəti yenidən təşkil olunub, işıqforlar quraşdırılıb və piyada keçidləri təmin edilib.