Zelenski: Atəşkəslə paralel monitorinq missiyası fəaliyyətə başlamalıdır

Ukrayna Prezidenti Volodimir Zelenski bildirib ki, Ukrayna üçün təhlükəsizlik zəmanətləri mərhələli şəkildə həyata keçirilir və atəşkəslə paralel olaraq mütləq monitorinq missiyası fəaliyyətə başlamalıdır.

Rock.News xəbər verir ki, Zelenski təhlükəsizlik mexanizmlərində “saxta bayraq əməliyyatları” riskinin nəzərə alınıb-alınmadığına dair suala da cavab verib. Ukrayna liderinin sözlərinə görə, təhlükəsizlik zəmanətləri mərhələlərlə təmin olunur və əsas prioritet atəşkəslə eyni vaxtda monitorinq missiyasının işə başlamasıdır. O, monitorinq missiyasının texniki imkanlara malik tərəfdaşların rəhbərliyi altında həyata keçiriləcəyini vurğulayıb.