Qızıl Fyuçersləri Düşür, Gümüş Bahalaşır: Bazar Dinamikası

Qlobal əmtəə bazarlarında qızıl fyuçerslərinin qiymətində eniş müşahidə edilir.

Rock.News xəbər verir ki, COMEX birjasında qızılın bir troya unsiyasının fevral fyuçerslərinin qiyməti 0,26% azalaraq 4 329,6 ABŞ dolları səviyyəsində formalaşıb. Eyni zamanda, qızılın spot qiyməti (XAU/USD) 0,30% artaraq 4 332,29 ABŞ dolları olub. COMEX-də gümüşün mart fyuçersləri isə 0,58% artaraq 71,02 ABŞ dolları səviyyəsinə yüksəlib.

Qeyd edək ki, qızıl fyuçersləri ilə spot bazar arasında fərqli dinamika əsasən qısa müddətli mənfəət realizasiyası, fyuçers bazarında mövqelərin yenidən balanslaşdırılması, eləcə də ABŞ dollarının məzənnəsindəki dəyişikliklər fonunda formalaşıb. Gümüş qiymətlərinə isə sənaye metallarına tələbin nisbətən sabit qalacağına dair gözləntilər dəstək verib.