Ucarda yol qəzası olub, xəsarət alanlar var - FOTO - YENİLƏNİB-1

Ucarda baş verən qəzada xəsarət alanların şəxsiyyəti məlum olub. APA xəbər verir ki, qəza nəticəsində rayonun Yuxarı Şilyan kənd sakinləri- 1984- ci il təvəllüdlü Ümüdvar Təyyar oğlu Mahmudov, 1996- cı il təvəllüdlü Uğur Güləhməd oğlu Rəhimov və 1964- ci il təvəllüdlü Xatirə Əmrah qızı Mahmudova xəsarət alıb. Qəzada yüngül xəsarət alan 1 nəfər kişi cinsli şəxsə isə ilkin yardım edildikdən sonra evə buraxılıb. *** saat 12.26 Ucarda yol qəzası olub, xəsarət alanlar var. APA -nın yerli bürosunun xəbərinə görə, hadisə səhər saatlarında Yuxarı Şilyan kənd yolunda baş verib. Hərəkətdə olan "VAZ 2106" və "Nissan" markalı avtomobillər toqquşub. İlkin məlumata görə, qəza nəticəsində xəsarət alan 4 nəfər Ucar Rayon Mərkəzi Xəstəxanasına yerləşdirilib. Faktla bağlı araşdırma aparılır.